Ministri i Drejtësisë, Abelard Tahiri, e ka akuzuar liderin e lëvizjes Vetëvendosje, Albin Kurtin, se po bën politikë me rastin Dehari dhe po manipulon me familjen e të ndjerit.
Sipas tij, gjërat që i flet Kurti, ku akuzon institucionet e Kosovës për rastin Dehari, nuk qëndrojnë.
"Unë e kam ngritur rekomandimin e Kuvendit të Kosovës që të ndodhë një ekspertizë shtesë në një shtet të BE-së apo diku në SHBA. Unë i kam ndarë mjetet për këtë dhe kam thënë që nuk është problem mbështetja e këtij rasti. Familja kërkon që ekspertiza të ndodhë në Zvicër. Ka filluar bashkëpunimi me institutin në Zvicër dhe kjo çështje është duke u proceduar", ka thënë Tahiri për televizionin publik.
Ai tha se"Albin Kurti po e përdorë rastin për interesa të tij politike, ashtu siç e ka manipuluar familjen Dehari edhe më herët dhe siç ka manipuluar gjithmonë me opinionin publik".
Kurti ditë më parë kishte akuzuar Qeverinë se po e pengon hetimin ndërkombëtar për rastin Dehari.
-
Ministri Tahiri i përgjigjet Kurtit për deklarimet e tij për Veselin
-
Tahiri i bindur që Kurti nuk i ka votat
-
Tahiri: Deklaratat e Qeverisë kundër sistemit të drejtësisë, kalkulime të liga
-
Kurti: Prokuroria e ka mbështetjen e Qeverisë për zbardhjen e rastit të Deharit
-
Tahiri: Pse po hesht Vetëvendosja për mostrat e rastit të Deharit