Ferizaj, 20 korrik –Lidhja Demokratike e Kosovës, dega në Ferizaj nëpërmjet një konference shtypi, sërish e ka kundërshtuar projektin e ekzekutivit për “Bashkimin e qytetit” me arsyetimin se nëpërmjet nënkalimit nuk realizohet një plan i tillë. Sipas LDK-së, bashkimi i qytetit mund të bëhet vetëm në mënyrë organike duke e futur hekurudhën nën tokë.
Muharrem Svarça, kryetar i LDK-së, Dega në Ferizaj, njëherësh shef i GP-së në KK të Ferizajt, ka thënë se prej kohësh me anë të pompozitetit pushtetar po trumbetohet projekti i ashtuquajtur “Bashkimi i qytetit”, derisa nëpërmjet prezantimit vizual, flitet për nënkalimin nën hekurudhë.
Ky bashkim është i mundur vetëm përmes futjes së hekurudhës nën tokë, përgjatë zonës urbane të qendrës së Ferizajt (gjerësisht, sot në “Kohën Ditore”).