Gjykata Supreme i ka shpallur të paligjshëm dhe i ka shfuqizuar paragrafët 2, 2.1 dhe 2.2 të nenin 21 të Udhëzimit administrativ për pagesat direkte në bujqësi.
Shfuqizimi është bërë pas padisë që e ka ushtruar “Stonecastle Vineyards & Winery” Sh.p.k ndaj Ministrisë së Bujqësisë.
“Shpallet i paligjshëm dhe shfuqizohet neni 21 paragrafi 2 nën paragrafët 2.1 dhe 2.2, të Udhëzimit Administrativ (MBPZHR) Nr.04/2025, për Pagesat Direkte në Bujqësi për Vitin 2025, i publikuar në Gazetën Zyrtare më datë 19.03.2025”, thuhet në vendimin e Supremes.
Neni 21 i Udhëzimit përcakton kriteret e pranueshme për pagesat për vreshtat ekzistuese.
Paragrafi dy i Udhëzimit përcakton që “subvencionimi bëhet për sipërfaqe - hektarë, në vlerë prej 1050 €/ha ose 525 €/ha, varësisht prej përshkallëzimit”.
Në paragrafin 2.1. thuhet se “fermerët të cilët kanë të mbjellë/kultivojnë së paku 0.10 ha deri 100 ha sipërfaqe me vreshta, do të subvencionohen në vlerë prej 1050 €/ha;”
Ndërsa në paragrafin 2.2. thuhet se “fermerët të cilët kanë të mbjellë/kultivojnë mbi 100 ha sipërfaqe me vreshta, do të subvencionohen në vlerë prej 1050 €/ha për 100 ha e parë, dhe në vlerë prej 525 €/ha për sipërfaqen e vreshtit mbi 100 ha”.
Edhe
Hapet thirrja për aplikim për subvencione në bujqësi
“Në mungesë të ndonjë analize të qartë, të argumentuar dhe të dokumentuar nga ana e të paditurës, që do të justifikonte trajtimin e diferencuar të subvencionimit për sipërfaqet mbi 100 hektarë, gjykata vlerëson se përshkallëzimi i tillë rezulton në një trajtim selektiv dhe për pasojë diskriminues ndaj paditësit, në kundërshtim me parimet e barazisë dhe mosdiskriminimit në trajtimin e subjekteve të së njëjtës kategori, prandaj gjykata vendosi si në pikën -I- të dispozitvit të këtij aktgjykimi”, thuhet në vendimin e Supremes.
Në piken e parë të dispozitivit të aktgjykimit thuhet se kërkesëpadia e Stonecastle Vineyards & Winery” Sh.p.k, aprovohet si e themeltë.
-
Ministria e Bujqësisë publikon subvencionet e parapara për secilin sektor
-
Muja thotë se s’ka ulje të mbështetjes për bujqit, por parashihen rritje të targetuara
-
Latifi i reagon Mujës për programin e pagesave direkte: U bë hap prapa për vreshtarët
-
Prezantohen pagesat për kulturat bujqësore, shumica do të mbështeten 150 euro për hektar