Emisari i Bashkimit Evropian për dialogun Kosovë-Serbi, Peter Sorensen, ka njoftuar se ka biseduar për dialogun me presidentin e Serbisë, Aleksandar Vuçiq, në kuadër të konferencës GLOBSEC.
“Fola me presidentin e Serbisë në margjinat e GLOBSEC-ut. Diskutuam për një numër të hapave konkretë të nevojshëm për të çuar përpara normalizimin e marrëdhënieve me Kosovën”, ka shkruar Sorensen në X të shtunën pasdite.
Javën e kaluar, Sorenseni mbajti takim trilateral me kryenegociatorët Besnik Bislimi e Petar Petkoviq në Bruksel. Pas takimit, ai ka thënë se u fol për avancimin e noramlizimit teksa ka përmendur përgatitjet për një takim të nivelit të lartë.
Javë më parë ai ka qëndruar edhe në Kosovë e edhe në Serbi.
