Ambasadori i Shteteve të Bashkuara të Amerikës në Prishtinë, Greg Delawie thotë se Kosova është më afër se kurrë, që të ratifikojë Marrëveshjen e demarkacionit të kufirit me Malin e Zi.
Ai u bëri thirrje deputetëve të Kuvendit të Kosovës, që gjatë kësaj jave, të ratifikojnë këtë marrëveshje.
“Një punë e madhe drejt afrimit të qëndrimeve në mes partive, ka sjell Marrëveshjen për demarkacionin e kufirit me Malin e Zi, më afër ratifikimit se kurrë më parë. Deputetë, është koha që të kaloni vijën e finishit këtë javë”, ka shkruar në Twitter, ambasadori Delawie.
Ratifikimi i Marrëveshjes së demarkacionit me Malin e Zi, mbetet kushti kryesor që Kosova të përfitojë lëvizjen e lirë, pa viza në zonën Schengen.
Kuvendi, edhe pas tri përpjekjesh, ka dështuar që të sigurojë votat e nevojshme, për të ratifikuar këtë marrëveshje.
-
Veseli e Delawie pajtohen se tash është afati i fundit që Kosova ta ratifikojë demarkacionin me Malin e Zi
-
Mesazhi i ri i Delawiet: Vota për demarkacionin – votë për të ardhmen e Kosovës në Evropë
-
Delawie: Qytetarët kanë pritur gjatë liberalizimin e vizave, ratifikoni demarkacionin
-
Delawie fton deputetët ta votojnë demarkacionin
-
SHBA pret përmbylljen e demarkacionit këtë javë