Siguria në Ballkanin Perëndimor, temë diskutimi ndërmjet deputetëve kosovarë e delegacionit gjerman

Komisioni për punë të jashtme dhe diasporë të premten ka zhvilluar takim me delegacionin e Grupit të Evropës Juglindore të Parlamentit të Gjermanisë.

Kryetarja e Komisionit, Arbëreshë Kryeziu-Hyseni, ka deklaruar se temë diskutimi me delegacionin gjerman ka qenë siguria në Ballkanin Perëndimor.

Në një deklarim për media pas këtij takimi, Kryeziu-Hyseni, tha se ideja e tyre është krijimi i stabilitetit dhe paqes në Ballkan.

“Ideja (e tyre) është të takohen më parlamentar pra me deputet të shtetit të Ballkanit perëndimor për të diskutuar për zhvillimet aktuale dhe ideja është që të sigurohet rregullimi krijimit të stabilitetit dhe paqes për shtetet që janë pjesë e Ballkanit perëndimor. Ne sot më këtë përfaqësues, kemi diskutuar për situatën aktualë që është në Republikën e Kosovës dhe më vjen mirë që edhe njëherë tjetër të dëgjojmë nga përfaqësuesit e Gjermanisë për mbështetjen e madhe në na ka dhënë”, u shpreh ajo, raporton EO.