Komisioni Qendror i Zgjedhjeve (KQZ) nuk do të mblidhet as sot, ashtu siç ishte paralajmëruar.
KQZ-ja pritej që të mërkurën të mblidhej për të miratuar listën me qendra të votimit të cilat do të hapen për zgjedhjet e 23 prillit në katër komunat në veri të vendit.
Mirëpo, zëdhënësi i KQZ, Valmir Elezi, ka thënë se nuk do të ketë mbledhje sot.
“Mbledhja e planifikuar për sot nuk do të mbahet. Jemi në përgatitje të materialeve për mbledhje, për mbajtjen e së cilës do t'iu njoftojmë me kohë”, ka theksuar ai.
Të martën Elezi në një konferencë për media ka thënë se KQZ-ja është duke i zhvilluar të gjitha përgatitjet për mbajtjen e zgjedhjeve në veri të Kosovës të planifikuara për 23 prill, në Mitrovicë të Veriut, Zubin-Potok, Leposaviç dhe Zveçan.
Artikuj të ngjashëm
-
KQZ-ja të hënën shqyrton vendimet për procesin zgjedhor në veri
-
KQZ-ja zvogëlon nga 44 në 19 numrin e qendrave të votimit në veri
-
KQZ: Po vazhdojnë përgatitjet për zgjedhjet në veri, i kemi parasysh sfidat
-
KQZ-ja pezullon aktivitetet për organizimin e zgjedhjeve të jashtëzakonshme në veri
-
Shtyrja e zgjedhjeve në veri, sot mblidhet KQZ-ja