Kryeministri i Kosovës, Albin Kurti, bashkë me ministrin për Komunitete dhe Kthim, Nenad Rashiq, kanë vendosur sot gurthemelin e shtëpisë për një familje 11-anëtarëshe të komunitetit goran në Muhoc të Ferizajt, në kuadër të pakos mbështetëse të Ministrisë komunitetet.
Sipas një njoftimi nga Zyra e Kryeministrit, Kurti ka falënderuar familjen gorane për kontributin në Kosovë. Ai është zotuar se familja 11-anëtarëshe do të ketë strehim solid.
“E gëzofshi e ju priftë e mbara. Ju dëshiroj suksese në të ardhmen”, ka thënë ai.
Kryeministri ka vlerësuar po ashtu edhe punën e ministrit Nenad Rashiq. Sipas Kurtit, “Rashiqi po e gjen mbështetjen gjithnjë e më të madhe të qytetarëve jo vetëm serbë në vendin tonë”.
Ndërtimi i shtëpive për komunitetet është një nga pikat e pakos mbështetëse që Qeveria ka vendosur kohë më parë. Ndërtime të shtëpive kanë nisur më parë edhe në Istog, ndërsa së fundmi në Graçanicë u nis shtëpia e parë për pjesëtarë të komunitetit serb.
-
37 milionë euro për banimin social në 21 komuna
-
34 familje të komuniteteve joshumicë në Graçanicë përfitojnë banesa
-
34 familje që jetonin në kushte të vështira, bëhen me banesa
-
Kurti: 380 familje të komuniteteve joshumicë përfituan material ndërtimor për strehim
-
Kurti: Kemi bërë hapa praktikë për t’i ndihmuar komunitetet