Bashkimi Evropian i ka porositur gjashtë vendet e Ballkanit Perëndimor që synojnë hyrjen në BE të punojnë më shumë në implementimin e reformave të vështira para se t’u lejohet hyrja në bllok.
Të brengosur për ndikimin rus dhe kinez në Ballkan, BE-ja, sipas Reutersit, ka nisur kampanjën e re të integrimit, duke i dhënë Serbisë dhe Malit të Zi afat për anëtarësim deri në vitin 2025. Por shtetet perëndimore janë të shqetësuara për anëtarësimin e regjionit që sapo ka dalë nga luftërat etnike të viteve ’90, transmeton Koha.net.
Këto vende thonë se kandidatët siç janë Maqedonia, Shqipëria, Kosova dhe Bosnja – duhet të punojnë shumë në përmirësimin e kredencialeve demokratike dhe të luftojnë krimin e organizuar.
Në takimin e ministrave të Jashtëm të BE-së që po mbahet në Sofje të Bullgarisë, jo formalisht janë ftuar edhe ministrat e Jashtëm të Ballkanit Perëndimor.
Në fotografinë që shoqëron lajmin nga mbledhja e sotme nuk identifikohet as ministri i Jashtëm i Kosovës, Behgjet Pacolli e as ndonjë zyrtar tjetër qeveritar, edhe pse ftesën për këtë takim për portalin Koha.net e kanë konfirmuar zyrtarë nga kabineti i Pacollit.
-
Pesë shtete të BE-së propozojnë modelin e anëtarësimit “hap pas hapi” për Ballkanin Perëndimor
-
Scholz do që Ballkani Perëndimor të përfshihet në zgjerimin e BE-së
-
Diplomatët thonë se vendet e Ballkanit Perëndimor s’e kanë më të sigurt anëtarësimin në BE
-
Reuters: Ku qëndrojnë gjashtë vendet ballkanike në procesin e anëtarësimit në BE
-
7 vende të BE letër Komisionit Evropian: Evropa jo e plotë pa Ballkanin Perëndimor