Shtatë persona kanë vdekur si pasojë e koronavirusit të martën në Kosovë, ndërsa janë regjistruar edhe 173 raste të reja pozitive, ka njoftuar Ministria e Shëndetësisë në raportin ditor. Sot janë regjistruar 1434 të shëruar, duke e ulur numrin e rasteve aktive në 7635.
Nga fillimi i pandemisë e deri tash janë regjistruar 2912 të vdekur nga COVID-19. Janë regjistruar 159 mijë e 328 raste pozitive, ndërsa janë shëruar 148 mijë e 781 prej tyre.
Sa i përket vaksinimit, të hënën janë administruar 17 mijë e 634 doza. Nga dy doza i kanë marrë 453 mijë e 760 qytetarë. Rreth 287 mijë të tjerë janë në pritje të dozës së dytë.
