Në Francë u regjistruan më shumë se 100,000 aplikime për azil në vitin 2017, një rekord “historik”.
Drejtori i përgjithshëm i shërbimit për mbrojtjen e refugjatëve (OFPRA) Pascal Brice tha të hënën për AFP se ka patur një rritje të madhe të kërkesave të qytetarëve nga Shqipëria dhe Afrika Perëndimore.
“Aplikimet e paraqitura në vitin 2017 u rritën me 17% në krahasim me vitin e kaluar, duke arritur në 100 412 aplikime, pas një rënie prej 6.5% në vitin 2016”, shpjegoi Brice. “Këto shifra konfirmojnë”, tha ai, se “Franca është midis vendeve të para në Evropë ndaj preferencave të azilkërkuesve pas Gjermanisë”.
Shumica e azilkërkuesve vitin e kaluar ishin nga Shqipëria me një total prej 7.630 aplikacionesh, një rritje prej 66% me vitin paraardhës. OFPRA ka miratuar aktualisht vetëm 6.5% të këtyre aplikimeve. Pas shqiptarëve në listë janë afganët, haitianët, sudanezët dhe qytetarët e Guinesë.
Azilkërkuesit nga Shqipëria kanë qenë një shqetësim permanent për autoritetet franceze që ia kanë përcjellë këtë shqetësim edhe qeverisë së Tiranës, duke i bërë të qartë se azilkërkimi do të ndikojë edhe në vendimin për hapjen ose jo të negociatave të Shqipërisë me Bashkimin Evropian.
-
Rritet numri i kërkesave për azil nga Shqipëria në vendet e BE-së
-
Refuzime masive të kërkesave të shqiptarëve për azil, vjet u pranuan vetëm 1470 aplikime
-
Vjet 23 mijë shtetas të Shqipërisë kërkuan azil në BE
-
Shqipëria ndër 10 vendet kryesore të origjinës së azilkërkuesve në Europë
-
Shqipëria në 10 shtetet që kanë më shumë aplikime për azil