Shqipëria ka shpallur të dielën ditë zie në nderim të viktimave që vdiqën në aksidentin mes dy trenave në Greqi.
Kryeministri shqiptar, Edi Rama, ka njoftuar se Shqipëria i qëndron afër Greqisë në këto momente, duke ulur flamurin kombëtar në gjysmë shtize.
“Tragjedia e Greqisë është edhe tragjedia jonë, dhimbja për jetët e humbura në aksidentin e tmerrshëm është edhe jona dhe ky është një nga ato momente jetësore, kur një humbje e madhe te fqinji të tregon më shumë se sa njëqind gëzime që jetët tona janë të ndërlidhura pazgjidhshmërisht, e se duhet të bëjmë çmos që t’i bëjmë ato sa më të mira, duke bashkëpunuar gjithnjë e më shumë me njëri-tjetrin. Ditën e diel Shqipëria do të nderojë me një ditë zie viktimat e tragjedisë, duke u bashkuar simbolikisht me Greqinë mike me flamurin kombëtar të ulur në gjysmë shtize”, ka shkruar Rama në Facebook.
Numri i të vdekurve nga aksidenti i dy trenave që ndodhi në Larissa të Greqisë në orët e vona të së martës është rritur në 57.
Edhe
Gjashtë shqiptarë vdiqën në aksidentin e trenave në Greqi
Aksidenti ka ndodhur mes një treni të pasagjerëve dhe një të mallrave.
Ndërkohë “Top Channel” sipas informatave jozyrtare ka thënë se në mesin e viktimave janë tre shtetas shqiptarë. Po ashtu është thënë se në mesin e 57 të lënduarve janë edhe gjashtë shqiptarë në gjendje të rëndë.
