Në emisionin “Puls” të KTV-së u diskutua sot për sigurinë dhe për problemin e armëve ilegale në vend.
Mensur Hoti, drejtor i Departamentit për Siguri Publike në Ministrinë e Punëve të Brendshme, tha se shqetësuese për neve është bartja e armëve nga adoleshentët në shkolla fillore dhe të mesme.
“Ky është një rrezik permanent por është e pamundur që një fëmijë të bart armë një kohë të gjatë dhe prindërit të mos jenë në dijeni. Ne rregullisht nëpër shkolla mbajmë ligjërata për këtë dukuri por nuk mundemi vetëm ne si MPB të bëjmë shumë pa një involvimin të të gjithë faktorëve. Përgjegjësia kryesore është e prindit pastaj stafit mësimor dhe drejtorit të shkollës sepse ata janë që vlerësojnë se cilët nxënës mund të jenë rrezik potencial dhe të lajmërohen shumë shpejt organet përgjegjëse”, u shpreh Hoti.