Shpërthen kanalizim në rrugën “Ali Pashë Tepelena”, këmbësorët s’kanë kah t’ia mbajnë

Ka së paku dy javë që kur poshtë rrugës së Dubrovnikut, në Prishtinë, ka shpërthyer gypi i kanalizimit.

Banorët në rrugën “Ali Pashë Tepelena” janë ankuar në adresë të portalit Koha.net se kundërmimi nga dalja në sipërfaqe e ujërave të zeza është bërë i padurueshëm, sidomos në këtë kohë kur temperaturat kanë nisur të rriten.

Por ky nuk është i vetmi hall i banorëve përreth dhe kalimtarëve që u duhet të kalojnë andej çdo ditë. Veturat e parkuara në trotuare ua pamundësojnë atyre ecjen e lirë duke ua bërë gati të pamundur që t’i shmangen shkeljes mbi këto ujëra.

{gallery}