Që nga 1 korriku, transporti publik në Prishtinë nuk i ka më të gjithë shoferët e gjinisë mashkullore.
Tashmë një grua është në timonin e një autobusi, duke bartur qytetarë nga Kodra e Trimave në Matin 1, raporton “038” në KTV.
Hyrije Pacolli nisi punë në linjën 3a në kohën e pushimeve verore, por po e vazhdon ende atë.
Të jesh shofere në transport publik, kërkon durim, thotë Pacolli sipas së cilës, problemet dhe tollovitë më të mëdha bëhen në rrethrrotullime.
Por, të jesh e para në një punë që në Prishtinë është bërë kryesisht nga burrat, nuk kalon pa u komentuar.
Pacolli thotë se pret që reforma në transportin publik të përfshijë edhe gra të guximshme që drejtojnë autobusë nëpër Prishtinë.
