Komuniteti Malazez në Kosovë për herë të parë do të jetë i përfshirë në regjistrimin e popullsisë, pasurisë dhe banesave, që do të mbahet në vitin 2021, ka njoftuar Agjencia e Statistikave dhe Zyra e Kryeministrit. Shoqata e Malazezëve të Kosovës, si iniciatori kryesor i kërkesës që malazezët të jenë të përfshirë në këtë regjistrim si të gjitha komunitetet tjera, do të marrë pjesë në debatin dhe punimin e draft-dokumentit, me theks të veçantë në definimin e problemit, shkakun, pasojat dhe ndryshimet.
Të dhënat nga ky regjistrim do të jenë të rëndësisë së veçantë për mbijetesën e komunitetit malazez në Kosovë, për të drejtën tonë kushtetuese dhe pozicionimin institucional, sikur edhe për kthimin e të zhvendosurve dhe pronës së uzurpuar. Ky do të jetë instrument i rëndësishëm për zhvillimin dhe rishikimin e politikave socio-ekonomike, politikave të krijimit të vendeve të punës, zhvillimin e infrastrukturës, investimet dhe shërbimet tjera, sikur për komunitetin tonë, po ashtu edhe për vendin ku jetojmë dhe punojmë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMeqë në regjistrimin e kaluar të popullsisë, me Komunitetin Malazez nuk kanë qenë të regjistruar personat e zhvendosur, apelojmë tek institucionet e Kosovës dhe Malit të Zi që me forca të përbashkëta ta gjejnë mekanizmin që të regjistrohen edhe personat e zhvendosur në Mal të Zi, që janë qytetarë kosovarë, në mënyrë që të përmirësohet padrejtësia e bërë më parë, thuhet në komunikatën e Shoqatës së Malazezëve të Kosovës.