Sheshit të Ferizajt synohet t’i ndryshohet emri, duke shkelur vendimin paraprak

Komuna e Ferizajt ka formuar një komision të ri, të përbërë prej 7 anëtarëve, nga të gjitha subjektet politike me qëllim të identifikimit të defekteve në emërtimet e rrugëve dhe shesheve.

Mirëpo, ky komision ka hasur në telashe, shkruan sot “Koha Ditore”.

Këshilltarët e KK-së nga radhët e Nisma Socialdemokrate kanë kërkuar riemërtimin e sheshit “Fjala e lirë” në “Rexhep Halimi”.

Komisioni dyshon se Komuna po insiston ta riemërojë sheshin për të cilin ekziston një vendim disa vite më parë.

Madje për këtë propozim janë mbledhur mbi një mijë nënshkrime nga qytetarët, ndërkohë që sipas komisionit për riemërtime të rrugëve kjo çështje duhet të kalojë nëpërmjet mbledhjes së KK-së, derisa sheshi “Fjala e Lirë” është emërtuar disa vite më parë dhe nuk mund të riemërohet sa herë që kërkohej.

(Artikullin e plotë mund ta lexoni sot në “Koha Ditore”)