Bilall Sherifi, kryetari i grupit parlamentar të Nismës, ka deklaruar se kjo parti nuk do të votojë pro marrëveshjes së demarkacionit me Malin e Zi.
Dje qeveria e Kosovës procedoi në Kuvend marrëveshjen e vitit 2015 bashkë me një vlerësim të komisionit të ri të demarkacionit. Tani Nisma ka shprehur qëndrimin e saj duke thënë se nuk mund të gjuajë poshtë kundërshtimet që pati për këtë çështje sa ishte në opozitë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Nisma e ka bërë të qartë se kjo marrëveshje pa ndërruar asnjë germe po të votohej do të ishte tallje me dy vjet e gjysmë që e kemi kundërshtuar. Ne besojmë që versioni aktual i cili është nënshkruar nga ish ministri i jashtëm Hashim Thaçi në qeverinë Mustafa është i papranueshëm”, ka thënë ai, raporton Koha.net.
Sherifi ka komentuar edhe deklaratat e partnerit të koalicionit, PDK-së që të votohet kjo marrëveshje si dhe ka folur nëse këto qëndrime të kundërta mund të prishin koalicionin qeverisës.
“I referohem të kaluarës pasi ata e kanë nënshkruar dhe ata nëse nuk e përkrahin një marrëveshje që e kanë nënshkruar do të ishte mrekulli. Ne me dallime kemi hy në koalicion. Tash nuk ka arsye që të ndërrojmë qëndrime. Ka dy vjet e gjysmë që është kundërshtuar kjo marrëveshje. Qeveria e kaluar e ka bllokuar duke mos e sjellë në Kuvend, ndërsa qeveria Haradinaj po e sjell për 100 ditë që deputetët ta thonë fjalën e tyre”, ka thënë Sherifi.