Një person ka humbur jetën si pasojë e COVID-19, duke e çuar në 35 numrin e të vdekurve nga pandemia në Shqipëri.
Ministria e Shëndetësisë, në komunikimin e përditshëm tha së në 24 orët e fundit janë testuar 291 raste të dyshuara, prej të cilëve 44 kanë rezultuar pozitivë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Mëngjesin e sotëm ka ndërruar jetë në spitalin infektiv një pacient 59-vjeçar nga Lushnja, i shtruar prej 6 ditësh në terapi intensive, i konfirmuar me Covid-19. Pacienti vuante nga sëmundje shoqëruese. Pas asistencës së madhe të stafit mjekësor në terapi intensive, 59 vjeçari nuk ka mundur të mbijetojë”, tha drejtorja e Operatorit të Shërbimeve të Kujdesit Shëndetësor, Mirela Cami.
Në tre ditët e fundit, vendi po shënon shifra rekord të të prekurve që nga përhapja e koronavirusit. Këto shifra u ngritën pas heqjes në tërësi të masave të izolimit dhe karantinimit të detyrueshëm të qytetarëve.
Cami bëri të ditur se rastet e reja janë konfirmuar 22 në Tiranë, 6 në Krujë, nga 4 raste në Durrës, Kamëz dhe Shkodër, 2 raste në Lushnjë, 1 rast në Elbasan dhe 1 në Vlorë.
Përgjatë orëve të fundit raportohet një numër i shtuar qytetarësh të cilët janë shtruar në Spitalin Infektiv, raporton REL.
Aktualisht po marrin shërbim 52 pacientë, ndërsa 8 prej të shtruarve janë në terapi intensive.
Ministria e Shëndetësisë njoftoi se gjatë orëve të fundit numrit të personave të shëruar i janë shtuar edhe 21 qytetarë të tjerë, duke e çuar në total numrin e të shëruarve mbi 1 mijë.
Në të gjithë Shqipërinë numërohen 349 persona aktivë me Covid-19, sëmundjen që e shkakton koronavirusi, kryesisht në Tiranë, Shkodër, Krujë ku ka transmetime të kontakteve direkte me të prekurit me sëmundjen vdekjeprurëse.