Departamenti i Shtetit Amerikan po i ofron 5 milionë dollarë shpërblim për këdo që ka informacione mbi Maximilian Rivkin, shtetas suedez, i kërkuar për krim të organizuar ndërkombëtar.
Në njoftimin e publikuar të mërkurën, Departamenti shkroi se Rivkin ishte ndikues i një shërbimi për komunikim të koduar mes kriminelëve në mbarë botën.
“Komunikimet e tij në platformë e implikuan atë në disa aktivitete të liga, duke përfshirë pjesëmarrjen e tij të supozuar në trafikun e drogës, pastrimin e parave, komplotin për vrasje dhe akte të tjera të dhunshme”, thuhet në njoftim.
Kjo ofertë shpërblimi, sipas SHBA-së, është shpallur bashkërisht me Autoritetet Policor Suedez, që akuzoi suedezin për kontrabandë dhe trafik narkotikësh.
“Ai u padit dhe u akuzua gjithashtu nga një juri e madhe federale e SHBA-së për konspiracion ndërkombëtar të shantazhit që përfshinte trafikun e drogës dhe shpëlarjen e parave”, thuhet tutje.
Shpërblimi po jepet në përpjekje për të ndërprerë e penguar aktivitetin kriminal ndërkombëtar, theksoi SHBA-ja.
-
Rubio: Do t’i hedhim në erë grupet e huaja kriminale
-
Shtetet e Bashkuara rrisin shpërblimin për arrestimin e Maduros
-
SHBA-ja liron “mbretin rus” të krimit kibernetik në këmbim të mësuesit amerikan
-
El Salvadori pranon t’i kthejë kriminelët e rrezikshëm, përfshirë ata me nënshtetësi amerikane
-
SHBA-ja jep 25 milionë dollarë për informacionin që çon në arrestimin e Nicolas Maduro