Presidenti i Serbisë, Aleksandar Vuçiq, ka bërë të ditur se ka pasur një bisedë telefonike me sekretarin amerikan të Shtetit, Antony Blinken, nga i cili është paralajmëruar për masa ndëshkuese “nëse nuk sillen siç duhet”.
Vuçiqi e ka përshkruar bisedën me Blinkenin si jo të lehtë dhe të gjatë. Dhe ka thënë se nuk ka rënë dakord për gjithçka.
“Nuk është bisedë e lehtë me Blinkenin, për disa gjëra ramë dakord, për disa jo. Nevojitet shtensionim, rol më i madh i KFOR-it. Serbia gjithmonë do ta mbështesë atë rol, ne do të donim që të ishte ekskluziv, sidomos në veri. Mohova të pavërteta që thonë se kemi shkallën më të lartë të gatishmërisë të ushtrisë sonë. Unë nuk kam nënshkruar dhe nuk jemi pajtuar për natyrën e asaj që ka ndodhur, veçanërisht lidhur me sovranitetin e Kosovës”, ka thënë presidenti i Serbisë, duke shtuar se kanë prova të forta se "dy prej sulmuesve të armatosur u likuiduan".
Vuçiqi ka thënë se sekretari amerikan ka folur edhe për masat e mundshme “nëse nuk sillen siç duhet”.
“I thash ti je fuqia. Unë jam kundër kësaj. Duhet t'i përmbahemi të vërtetës”, ka thënë ai.
-
Kërcënim i ri nga Serbia
-
Vuçiq për Kosovën: Tani do të kishim me çfarë të shkonim në luftë, por nuk dua luftë
-
Ministri kroat i përgjigjet Vuçiqit për aleancën me Kosovën dhe Shqipërinë
-
Vuçiq paralajmëron armatim, thotë se rrezikohet nga aleanca Kosovë-Shqipëri-Kroaci
-
Vuçiq: Vetëm përmes dialogut mund të zgjidhen çështjet e hapura me Kosovën