Marrëveshja e arritur mes Qeverisë së Kosovës dhe kompanisë amerikane “Contour Global” për ndërtimin e Termocentralit “Kosova e Re” po mbahet e mbyllur për publikun, pavarësisht premtimeve që e njëjta do të jetë e qasshme shumë shpejt.
Ministria e Zhvillimit Ekonomik nuk ka dhënë asnjë informacion as të mërkurën kur televizioni kërkoi t’i dijë arsyet e mos publikimit të kontratës që peshon mbi 1 miliard euro, raporton KTV.
Nga ana tjetër, shoqëria civile që përcjellë fushën e energjisë thotë se e njëjta ministri u ka thënë se kontrata do të jetë e gatshme për publikim pas 15 ditëve nga nënshkrimi.
Sipas tyre, sqarimet e dhëna nga e njëjta ministri janë të çuditshme. Situata me të ardhmen e termocentralit duket të jetë e paqartë edhe në sytë e mbështetësit kryesor të këtij projekti.
Në një përgjigje të shkurtër, Banka Botërore i ka thënë KTV-së se nuk kanë vendosur ende që ta mbështesin ose jo ndërtimin e termocentralit.
-
Qeveria nuk e ka finalizuar ende kontratën për “Kosovën e Re”
-
Qeveria parasheh rishikim të projektit “Kosova e Re”
-
Contour Global tërhiqet nga “Kosova e Re”
-
Rreth 20 milionë euro ndëshkim nëse nuk zbatohet kontrata për TC “Kosova e Re”
-
“Contour Global” ende s’e ka siguruar kredinë për “Kosovën e Re”