Sami Kurteshi, anëtar i Komisionit Qendror të Zgjedhjeve (KQZ) nga radhët e Lëvizjes Vetëvendosje, ka deklaruar se nuk ka njohuri që ndaj tij nga ana e Prokurorisë Themelore në Prishtinë, është ushtruar aktakuzë për veprën penale “sulmi”.
“Jo, prej juve po dëgjoj, me gjasë qashtu shkon, krejt bota duhet me dëgju përpara sesa personi i cili është i prekur”, deklaroi Kurteshi.
Kurteshi akuzohet se më 25 gusht 2021, në selinë e KQZ-së, i ishte drejtuar të dëmtuarit Adnon Berisha me fjalët “djalo ku e ki maskën?” dhe pasi që i dëmtuari nuk përgjigjet atëherë Kurteshi e kapë për krahu atë duke e tërhequr dhe duke i bërtitur me fjalët “ec jashtë” dhe e shtynë nga mbrapa me dy duart.
“Unë nuk mund të deklaroj dhe të deklarohem për gjëra të panjohura për mua”, shtoi Kurteshi.
Sipas aktakuzës së ngritur nga Prokuroria Themelore në Prishtinë, Sami Kurteshi po akuzohet se më 25 gusht 2021 në selinë e Komisionit të Zgjedhjeve në Prishtinë, me dashje përdor forcën ndaj të dëmtuarit Adnon Berisha.
Më 25 gusht 2021 ishte raportuar se Policia e Kosovës (PK) ka nisur hetimet ndaj Sami Kurteshit, anëtar i Lëvizjes Vetëvendosje në Komisionin Qendror të Zgjedhjeve (KQZ), si i dyshuar se ka sulmuar një person. Më 21 dhjetor 2021, i ishte përpiluar aktakuza. /BetimiPërDrejtësi
-
Sami Kurteshi lirohet nga akuza për sulm ndaj zyrtarit të KQZ-së
-
Sami Kurteshi thotë se interpretimi shkencor e nxjerr të pafajshëm për sulm
-
Kurteshi për incidentin e 2021-s: Të dëmtuarin e shtyva te dera, i kërkova të vendoste maskën
-
Kurteshi deklarohet i pafajshëm rreth akuzës se sulmoi një person në KQZ për mosbartje të maskës
-
Gjykata liron nga akuza ish-deputetin e LVV-së