Rrëshqet dheu në lagjen “Veternik”, vështirësohet qarkullimi i këmbësorëve

Reshjet e dendura të shiut, që kanë rënë në ditët e fundit, kanë shkaktuar rrëshqitje të dheut në lagjen “Veternik” në kryeqytet, në rrugën që çon në magjistralen Prishtinë-Ferizaj.

Përveç që ka vështirësuar qarkullimin, dheu i rrëshqitur ka rrezikuar qytetarët, pasi ajo pjesë ku ka rrëshqitur është e destinuar për qarkullim të këmbësorëve.

Ende nuk ka intervenime nga organet kompetente për largimin e dheut nga ajo pjesë./KSP