Kryeministri i vendit, Avdullah Hoti, ka njoftuar se pas rifillimit të gërmimeve në Kizhevak, përfaqësues nga Delegacioni i Grupit Punues për Persona të Zhdukur, kanë vizituar lokacionin e varrezës masive.
Hoti ka bërë me dije se gërmimet në këtë lokacion do të vazhdojnë edhe gjatë ditëve në vijim, duke shtuar se ekspertë mjekoligjorë do të jenë prezent deri në përfundim të procesit.
“Ekspertët mjekoligjorë të Republikës së Kosovës, në emër të Delegacionit të Kosovës, do të vazhdojnë të jenë të pranishëm deri në përfundim të procesit, në përputhje me praktikat mes dy delegacioneve”, ka shkruar Hoti në Facebook.
Drejtori i Institutit të Mjekësisë Ligjore, Arsim Gërxhaliu, kishte deklaruar javë më parë në Express të KTV-së se pandemia e COVID-19 dhe moti i keq ka ndikuar negativisht në gërmime të varrezave. Ai kishte shtuar se mbetjet e gjetura, do të konservohen dhe do të jenë në mbrojtje të policisë.
-
Kurti: Gërmimet në Zubin-Potok do të vazhdojnë me muaj pasi eshtrat janë të shpërndara
-
Hoti pret që gërmime për varreza masive me shqiptarë të nisin në disa lokacione në Serbi
-
Lokacioni i dyshuar për varrezë masive në Kozhle është përdorur si deponi mbeturinash
-
Gërmimet për gjetjen e të zhdukurve - Kosova kërkon “me ngulm” rikthimin në Batajnicë brenda vitit
-
Për pak ditë në Serbi nisin gërmimet në një lokacion të ri për varreza