-
Nga:
Mehmet Krasniqi
- 2 maj 2019 21:44
- Shpërndaje në:
Komuna e Prishtinës ka nxjerrë të enjten në Kuvend, një propozim-vendim për t’i ngritur trefish çmimet e shërbimeve shëndetësore për qytetarët e komunave të tjera që nuk janë të regjistruar si banorë të kryeqytetit.
Mirëpo, ky propozim u hodh poshtë nga këshilltarët komunalë, disa prej të cilëve e vlerësuan si diskriminues dhe të kundërligjshëm. Ai mori 16 vota kundër, 14 pro dhe një abstenim.
Kryetari Shpend Ahmeti, që erdhi në seancën e së enjtes vetëm kur u diskutua kjo pikë, tha se ofrimi i shërbimeve në mënyrë të barabartë është bërë i pamundur dhe i kushtueshëm.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo
Përpos opozitës, në mesin e këshilltarëve komunalë që votuan kundër propozimit, kishte edhe anëtarë të partive që qeverisin me Prishtinën.
Propozimin e ka vlerësuar të kundërligjshëm edhe INPO, organizata që monitoron punën e Komunës.
Kryetari Shpend Ahmeti theksoi se marrin buxhet nga niveli qendror vetëm për 200 mijë banorët e Prishtinës që janë të regjistruar, ndërsa ofrojnë shërbime për mbi 400 mijë qytetarë, përfshirë edhe për ata të Fushë-Kosovës, Lipjanit dhe Obiliqit.
Për këtë, ai kërkoi që t’i bëhet presion Qeverisë për t’i paguar shërbimet që ofrohen ndaj qytetarëve të komunave tjera.