Ministri i Punës dhe Mirëqenies Sociale, Skender Reçica ka vizituar një nga vendpunishtet e ndërtimit të lartë në Prishtinë, për të parë nga afër respektimin e masave të sigurisë dhe shëndetit, si parakushte për parandalimin e lëndimeve dhe vdekjeve në vendin e punës.
Siç njofton kumtesa, Reçica me këtë rast ka takuar punëdhënësit dhe punëtorët me të cilët ka biseduar rreth rëndësisë së respektimit të masave të sigurisë dhe shëndetit në punë, përkatësisht, të legjislacionit nga kjo fushë.
Reçica theksoi se punëtorët në Kosovë meritojnë kushte dinjitoze për punë, në përputhje me standardet evropiane dhe mbi të gjitha, siguri dhe shëndet në vendin e punës.
“Jeta e punëtorëve tanë vlen dhe ne duhet të mbrojmë atë. Do të jemi të pakompromis në zbatimin e legjislacionit aktual nga fusha e sigurisë dhe shëndetit në punë por edhe këmbëngulës në përpjekjet për avancimin e mëtejmë të tij”, ka thënë Reçica.
-
Reçica: S’do të ketë kompromis ndaj atyre që nuk respektojnë masat e sigurisë në punë
-
Reçica: Punëtorët meritojnë kushte dinjitoze, respektim e siguri në punë
-
Reçica u bën thirrje punëdhënësve të respektojnë të drejtat e punëtorëve
-
Reçica: Punëtorët e viteve të '90-ta po diskriminohen, ndryshimi i ligjit i pamundur
-
Sindikata kërkon që punëtorëve t’u ruhet shëndeti në këto temperatura të larta