Rama premton ndryshime cilësore për turizmin në vitin e ardhshëm

Kryeministri i Shqipërisë, Edi Rama, në përfundim të sezonit turistik të verës në Shqipëri, u është rikthyer problematikave të vërejtura në këtë sezon, duke premtuar që vitin e ardhshëm do të ketë një sezon turistik shumë më cilësor në shumë aspekte.

Shefi i Qeverisë, Rama në një bashkëbisedim me një grup gazetarësh, gjatë një mëngjesi pune në plazhin e Velipojës, ku gjendej edhe i gjithë kabineti i ri qeverisës, ka rihapur serish temën e turizmit, shkruan sot Koha Ditore.

Ndryshimi në sektorin e turizmit, sipas kreut të Qeverisë shqiptare, do të fillojë nga hotelet dhe njësitë e shërbimeve në bregdet, ku nuk do të lejohet aktiviteti i tyre nëse nuk kanë dekuratorë të ujërave të zeza.

Ngritja e një sistemi pastrimi komplet të ri për të gjithë vijën bregdetare duke e kaluar pastrimin e bregdetit në vartësinë e Qeverisë , por edhe aktivitetet që kanë të bëjmë me argëtimin, me traditën, me fëmijët, janë disa nga risitë që do të sjellë sezoni i ri në vitin e ardhshëm. (Artikullin e plotë mund ta lexoni në numri e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.