Kryeministri i Shqipërisë, Edi Rama, ka thënë se askush nuk duhet ta akuzojë kryeministrin e Kosovës, Albin Kurti, për tradhti, duke shtuar se ai ka bërë gjënë e duhur të hënën në Bruksel.
Rama ka shkruar të martën në Twitter se Kurti ka hedhur një hap drejt daljes nga kurthi i së djeshmes.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Uroj që askush të mos e akuzojë Albin Kurtin për tradhëti apo harresë, por gjithkush të kuptojë se kryeministri i sotëm i Kosovës ka bërë gjënë e duhur, duke hedhur një hap të parë me shumë rëndësi drejt daljes nga kurthi i të djeshmes. Hapa të tjerë pasofshin pa humbur kohë!”, ka shkruar Rama.
Sipas tij, paqja dhe bashkëpunimi janë çelësi i së ardhmes.
Kryeministri i Kosovës, Albin Kurti, ka thënë të hënën se ishte i gatshëm të nënshkruante për dakordimin në Bruksel, por se sipas tij, pala serbe ka refuzuar.
Në adresimin për media pas takimit në Bruksel, Kurti e ka konsideruar si dëm faktin që të hënën nuk është nënshkruar asgjë lidhur me atë që janë pajtuar.