Qyteti në “karantinë”

Dhjetëra nxënës të Hanit të Elezit po dalin rreth një orë më herët se zakonisht nga shtëpitë.

Megjithatë ata po vonohen përditë pa fajin e tyre në orët e para nëpër shkollat e mesme të Kaçanikut, shkruan sot “Koha Ditore”. Janë kryesisht të drejtimeve profesionale që nuk ofrohen në qytezën jugore. Ata po dalin në orën 12:00 nga shtëpia dhe po kthehen tek në nëntë të mbrëmjes.

Edhe më shumë po humbin nxënësit që vijojnë shkollimin e mesëm në Ferizaj. Nuk po i mbajnë dy orët e fundit me qëllim që të mundë të zënë autobusët e linjave të mbrëmjes drejt Hanit të Elezit. Pasojat po i ndiejnë edhe bizneset lokale.

Një kompani ka ndërprerë linjat Kaçanik-Han i Elezit dhe anasjelltas. Ato që po i mbajnë i kanë dyfishuar çmimet. Taksistët i kanë pesëfishuar. Kurrkush nuk po del prej qytetit pa e pasur ndonjë zor të madh.

Prej tetë majit, kur Ministria e Infrastrukturës mbylli rrugën Kaçanik-Hani i Elezit, pas shembjes së dheut përgjatë rrugës nacionale, kanë ndryshuar planet e kujtdo që ka punë jashtë qytetit. Kanë ndërruar planet edhe ata që ia mësyjnë qytezës kufitare.

Është pesëfishuar koha e mbërritjes nga Hani i Elezit në Kaçanik, ose anasjelltas, për shkak se duhet të përshkojnë rrugën gjarpërore që zgjatet nëpër kodra e rrafshnalta prej anës së Glloboqicës e nëpër Gorancë. Udhëtimi që normalisht nuk zgjat më shumë se dhjetë minuta ndërmjet dy qytezave, tani merr më shumë se një orë... (më gjerësisht lexoni sot në “Koha Ditore”)