Një qytetar nga Prishtina i ka dorëzuar në Policinë e Kosovës një portofol me mbi 1 mijë e 100 euro dhe me dokumente personale të një personi.
Kjo u bë e ditur nga Policia të hënën në Facebook, derisa autoritetet falënderuan qytetarin me inicialet A.B. për gjestin.
“Dje në stacionin policor Qendra, në Prishtinë, një qytetar A.B., ka dorëzuar një portofol ku kishte një shumë parash dhe dokumente personale, të cilat i janë kthyer pronarit. Duke çmuar këtë gjest human, falënderojmë të gjithë qytetarët për bashkëpunimin e vazhdueshëm”, thuhet në njoftimin policor.
Artikuj të ngjashëm