Aktivisti Gazmend Qyqalla ka mbajtur një prononcim për media pas denoncimit të rasteve të kërcënimeve në adresë të tij pas pjesëmarrjes në protestën e organizuar nga Kolektivi për Mendim dhe Veprim Feminist, në solidarizim me popullin palestinez.
Ai ka thënë se nga ajo ditë ka marrë shumë mesazhe raciste dhe si të tilla kanë shpërndarë urrejtje në komunitetin e tij.
“Unë kam vendosur që të mos heshti karshi tyre dhe t’i adresojë në autoritetet kompetente. Të qenit cak i sulmeve raciste është përvojë e përditshme e personave të komuniteteve pakicë në Kosovë. Pres prej policisë profesionalizëm dhe ta trajtojë çështjen me seriozitet”, ka thënë ai.
