Qeverisja lokale e Obiliqit që udhëhiqet nga AAK-ja nuk e ka shumicën në KK, pasi në muajin e kaluar është prishur koalicioni me LB-në.
Vetëm 7 vota i ka kjo parti, 6 nga të cilat janë të vetat dhe 1 votë e minoritetit serb. Për opozitarët, qeverisja nuk është funksionale, ndërkohë që partia në pushtet konsideron se gjithçka funksionon mirë. Kryetari i Qendrës së Lëvizjes Vetëvendosje, Halil Thaçi, thotë se pushteti në këtë Komunë nuk mund të marrë asnjë vendim pa përkrahjen e partive opozitare, shkruan sot Koha Ditore.
“Ne si opozitë e shohim që vërtet nëse mendohet që një qeverisje lokale mund t’i kalojë procedurat në KK pa bashkëpunim me partitë e tjera, në fakt këtu mund të ketë vetëm një marrëveshje nën tavolinë. Pa koalicion si miratohen vendimet kur ata i kanë vetëm 6 vota si AAK dhe 1 të Listës Serbe dhe është e palogjikshme të mendohet që të miratohen (vendimet) kur duhet me qenë 11 për t’i miratuar vendimet në KK”, ka thënë Halil Thaçi.
(Më gjerësisht lexoni sot në Koha Ditore)