Qeveria e Kosovës të mërkurën ka vendosur që t’i japë në shfrytëzim një banesë për pesë vjet familjes së 11-vjeçares e cila ishte dhunuar në Prishtinë në vitin 2022.
Në gusht të vitit 2022 u pat raportuar që 11-vjeçarja ishte dhunuar në dy raste të ndryshme. Ajo ka qenë viktimë e dhunimit nga pesë persona në muajin gusht, e më pas është bërë e ditur që viktima është dhunuar dhe trafikuar edhe gjatë muajit qershor, për çka janë arrestuar edhe gjashtë persona të tjerë. Rasti nxiti reagime në opinion.
Në mbledhjen e Qeverisë, kryeministri Albin Kurti ka thënë se adresimi dhe ofrimi i mbështetjes për personat në nevojë është përgjegjësi institucionale.
“Komisioni i Ministrisë së Drejtësisë ka rekomanduar një banesë të konfiskuar prej 100 m2 për viktimën e trafikimit dhe dhunimit. Kjo dëshmon përkushtimin për mbështetjen e viktimave, veçanërisht viktimave të dhunës”, ka shtuar Kurti.
Në shkurt të vitit 2023, Gjykata Themelore në Prishtinë ka dënuar me 40 vjet burgim katër persona për rastin e 11-vjeçares.
https://www.koha.net/kronike-e-zeze/367184/dhunimi-i-11-vjecares-40-vjet-burgim-per-kater-persona/
-
52 vjet burgim për pesë dhunuesit e 11-vjeçares në Prishtinë
-
Rrjeti i Grave: Shqetësues dënimi i ultë për dhunimin e 11-vjeçares
-
62 vjet burgim 6 të akuzuarve për dhunimin e 11-vjeçares
-
Krasniqi për dënimin e dhunuesve të 11-vjeçares: Kulmi i dënueshmërisë
-
Rasti i dhunimit të 11-vjeçares, 62 vjet burgim për 6 të akuzuar