-
Nga:
Agim Ademi
- 6 mars 2023 15:36
- Shpërndaje në:
Punëtorët e administratës komunale në Lipjan gjatë këtyre ditëve po ankohen se janë diskriminuar nga niveli qendror me paga për shërbyesit civilë me arsyetim se nuk është marrë për bazë niveli i shkollimit të tyre. Sipas punonjësve, për disa pozita ka edhe zbritje të pagave te zyrtarët e auditimit. Shkaku i kësaj gjatë këtyre ditëve punonjësit kanë organizuar edhe protesta para objektit të komunës me qëllim që niveli qendror t’i marrë parasysh ankesat e tyre. Sindikata e punëtorëve ka paraqitur një ankesë te zyra e personelit në komunë me qëllim që ajo të përcjellët tek niveli qendror për t’i evidentuar disa gabime në paga.
Shemsi Azemi, kryetar i sindikatës së punëtorëve në komunën e Lipjanit ka thënë se sistemi i ri i pagave nuk e përcakton nivelin e shkollimit për zyrtarët, andaj sipas tij kjo e humb motivin e brezave të rinj për shkollim.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Nuk janë marrë parasysh përgatitjet shkollore të zyrtarëve komunalë, andaj sikur ai që ka kryer nivelin master dhe sikur ai që ka kryer vetëm fakultet e ka nivelin e njejtë të pagës, pra 365 deri në 370 euro. Pra, pjesa dërmuese e kanë këtë nivel të pagës dhe kjo është shqetësuese pasi që nuk është bërë kategorizimi i tyre edhe me vendet e punës. Prandaj kjo ka nxitur reagimet e punëtorëve sepse kanë kryer shkollime të larta me qëllim që një ditë do të kenë të ardhura më të mira. Prandaj shkaku i kësaj ka pasur edhe protesta gjatë ditëve të fundit nga punonjësit si shenjë pakënaqësie”, ka thënë Azemi.
Sipas tij, zyra e personelit i ka korrigjuar disa gabime teknike dhe i ka dërguar në nivel qendror, andaj janë në pritje të përmirësimit të tyre.
“Mbetet në muajin e radhës për të parë se a ka ndryshime në paga pasi që kanë thënë se kanë ndodhur disa gabime teknike. Zyra e personelit i ka përmirësuar ato dhe i ka dërguar në nivelin qendror për miratim. Pra shqetësime ka nga zyra e auditorit sepse aty ka zbritje të koeficientit dhe të pagave, por shqetësimi më i madh i punëtorëve është që nuk u është njohur e drejta e shkollimit master”, ka thënë midis të tjerash Azemi.
Edhe punonjësi i komunës së Lipjanit Abedin Bajrami, ka thënë se punëtorët do të organizojnë protesta edhe në të ardhmen nëse niveli qendror nuk i merr për bazë shqetësimet e tyre.
“Ka pasur protesta dhe pritet të ketë edhe të tjera nëse nuk përmirësohen gabimet teknike siç kemi marrë informacione. Pra është shqetësuese mos të rriten pagat e punëtorëve dhe mos të njihet niveli i shkollimit për zyrtarët. Kjo çështje po i nxit të gjithë të largohen nga vendi shkaku i pagave të vogla”, ka kritikuar Bajrami.