Punëtorët e Postës së Kosovës (PTK) në gjithë territorin e vendit sot kanë mbajtur grevë një orë, me kërkesën që të tejkalohet kriza financiare në këtë ndërmarrje publike.
Kryetari i Sindikatës së Punëtorëve të Postës, Etrit Hoti u shpreh se greva ka për qëllim sensibilizimin e institucioneve për të tejkaluar krizën financiare në këtë ndërmarrje.
Ai paralajmëroi për të hënën një grevë gjithëditore, për të vazhduar me masa të ndryshme sindikale deri në realizimin e kërkesave të tyre.
Mursel Krasniqi, punëtor i Postës tha se janë të shqetësuar se ende nuk i kanë marrë paga, ndonëse është data 6 korrik.
Ai shtoi se me marrjen e pagave po kanë probleme tash e disa muaj.
Telekomi i Kosovës është në krizë të thellë financiare dhe rrezikon edhe falimentimin.
{gallery}