PSD-ja ia kërkon dorëheqjen Bordit të ZRRE-së

Partia Socialdemokrate ka mbajtur aktivitet në Zyrën e Rregullatorit të Energjisë pas vendimit të Gjykatës së Apelit.

Duke ia kërkuar dorëheqjen bordit, PSD-ja ka thënë se sot, ZRRE-së ia përkujtuan që shkelja e ligjit bart pasojat e veta.

Sipas PSD-së, dorëheqja është veprimi që do të duhej të ndermirët, ndryshe do të duhet të pasojë shkarkimi.

“E nëse as ky nuk vjen, skandali i rritjes së çmimit të rrymës përfshinë akterët kryesor qeveritar, nga kryeministri e ministrat, e deri tek zyrtarët e ZRRE-së. Çmimi i energjisë elektrike, qysh prej shkurtit, është bërë i papërballueshëm për qytetarët. Ai ishte e padrejtë dhe i paligjshëm sepse përgjatë gjithë këtyre muajve, Kosova më shumë ka eksportuar energji sesa që ka importuar, e ne kemi vazhduar të paguajmë tarifa më të shtrenjta ani pse të gjithë energjinë e ka prodhuar KEK-u pa e rritur çmimin e shitjes. Edhe në këto kohëra të konsumit të ulët të energjisë, vendimi i paligjshëm, i rrëzuar nga Gjykata Themelore dhe ajo e Apelit, vazhdon të na faturoj më shtrenjtë”, thuhet në njoftim.

PSD-ja ka thënë se subvencionimi prej 100 milionë eurosh që Qeveria i ka bërë KEDS-it vazhdon të mbetet nën hije.

“Nuk e dimë as sa janë japë as kur as si. E dimë vetëm që KEDS nuk e ka humbur fitimin e kjo i ka kushtuar qytetarëve të këtij vendi. Dorëheqja është akti më i pakët në këtë plaçkitje ordinere”, thuhet në njoftim.