Prokuroria mbyll hetimet për ministrin Vesel Krasniqi, nuk u intervistua për 4 vjet

Rreth 4 vjet ka qenë nën hetime parapenale e penale ministri i Tregtisë dhe Industrisë, Vesel Krasniqi, për mashtrim.

Për Krasniqin, hetimet janë pushuar para disa javësh e dy muajsh prejse është bërë ai ministër.

Në dokumentet të cilat i ka siguruar KOHA, për një mashtrim po hetoheshin 6 persona, për tre është ngritur aktakuzë e Veseli dhe 2 të tjerë janë liruar.

Kallëzimi penal nga një çift kosovar që jeton në Norvegji është dorëzuar në vitin 2016. Ata pretendonin se 6 persona i kishin mashtruar ose u kishin marrë para për blerjen e një banese në Prishtinë, e cila ishte e shitur edhe te dikush tjetër.

Hetimi ishte pezulluar për shkak të situatës me COVID-19 për rreth 2 muaj. Hetimet, sipas dokumenteve, ishin pezulluar deri më 8 qershor, 5 ditë pasi Krasniqi është emëruar ministër.

Edhe Arbëri 4 qer 2020 Rasti ndaj ministrit Vesel Krasniqi rrezikon parashkrimin

Në të njëjtën ditë, sipas dokumenteve, është intervistuar ministri.

Dy muaj pas, hetimi ka pushuar.

Edhe njëri nga të dyshuarit e tjerë të rastit është liruar. Ai, sipas dokumenteve, ka lidhje familjare me Krasniqin.

Aktakuzë është ngritur për tre persona e njëri nga ta është noter.

Në arsyetimin e Prokurorisë nuk është vërtetuar se Krasniqi është i inkriminuar në këtë mashtrim.

Ministri nga radhët e NISMËS, para prokurores së rastit ka dhënë versionin e saj për këtë çështje. Ka thënë se ai vetëm ua ka propozuar banesën familjes së shokut të djalit, por nuk e ka njohur pronarin e as nuk ka qenë në dijeni se banesa është e stërshitur.

Edhe Arbëri 3 qer 2020 Ministri Vesel Krasniqi, nën hetime për mashtrimin e një mërgimtari

KOHA ka raportuar se Krasniqi po hetohej për korrupsion.

LDK-ja, e cila është partneri i madh i koalicionit qeverisës, pati premtuar se nuk do të këtë njerëz të korruptuar në pozita të larta.