-
Nga:
Mehmet Krasniqi
- 28 maj 2019 21:37
- Shpërndaje në:
Njëzet aktivitete të ndryshme do të organizojë Komuna e Prishtinës për të shënuar 20-vjetorin e çlirimit të kryeqytetit.
Një nga to do të jetë performanca e grupit kosovar të muzikës “Gjurmët”, më 12 qershor në sallën “1 Tetori”.
Ndërsa, tri ditë më vonë në kryeqytet do të vijnë dy yjet e futbollit shqiptar Granit Xhaka dhe Milot Rashica për të zhvilluar një ndeshje miqësore në stadiumin “Fadil Vokrri”, raporton KTV.
Afër sheshit “Zahir Pajaziti” në një mural do të vizatohen portretet e yjeve shqiptare të muzikës botërore si Rita Ora, Dua Lipa dhe Era Istrefi.
Në vazhdën e shënimit të këtij përvjetori, komuna për herë të parë do të rrisë mbështetjen financiare ndaj panairit të librit, që sivjet mban edicionin e 21-të.
Kryetari Ahmeti ka thënë se do të ketë aktivitete për grupmosha të ndryshme, duke filluar nga fëmijët e deri te pensionistët.
