Kompania KEDS ka njoftuar se pak para orës 9 të ditës së sotme, kontraktori i Ministrisë së Infrastrukturës që po merret me zgjerimin e rrugës Prishtinë- Gjilan, ka prishur kabllon nëntokësore nr. 28 nga Nënstacioni Prishtina 7 që furnizon disa biznese të rëndësishme në Veternik.
Viktor Buzhala, zëdhënës i KEDS-it, ka bërë me dije se pa energji elektrike kanë mbetur konsumatorët nga “Gorenja” deri tek “Viva Freshi”.
Ndërkaq thotë se prishja është e komplikuar dhe duhen disa orë deri në sanimin e saj.
“Kjo është hera e dytë që i njëjti kontraktor shkakton prishje brenda pak ditëve. KEDS kërkon nga punëkryrës të ndryshëm që të kenë kujdes të madh gjatë kryerjes së punimeve. Ata duhet të punojnë në bazë të udhëzimeve detaje që sigurohen nga KEDS në mënyrë që të evitohen prishje të tilla, pasi dëmet janë të konsiderueshme, si për kompaninë, ashtu edhe për konsumatorët”, ka thënë Buzhala.
-
KEDS-i akuzon kompaninë që po ndërton rrugën Prishtinë – Gjilan se për herë të katërt po prish kabllot
-
KEDS-i thotë se një kompani private dëmtoi një trafo në Veternik, banorët mbetën pa rrymë
-
Sërish dëmtohet kablloja elektrike, lë pa rrymë lagjen Veternik të kryeqytetit
-
KEDS njofton për prishje të rrjetit elektrik në disa rajone si pasojë e erërave të forta
-
Punëtori i KEDS-it lëndohet pas një shpërthimi në Prishtinë