Presidenca kërkon listën e deputetëve nga KQZ-ja, a do e shpërndajë Meta Kuvendin?

Përmes sekretares së përgjithshme, Presidenca i është drejtuar sot me një shkresë Komisionit Qendror të Zgjedhjeve, përmes së cilës i kërkon t’i vihet në dispozicion lista shumë emërore e deputetëve.

Në shkresën drejtuar KQZ-së, presidenca kërkon t’i vihet në dispozicion numri aktual i mandateve të deputetëve të Kuvendit në shkallë vendi, si edhe lista emërore e deputetëve aktualë të Kuvendit të Shqipërisë për çdo zonë zgjedhore për çdo subjekt.

Vëzhguesit shtrojnë pyetjen mos ky hap i presidentit mund të pasohet me shpërndarjen e përfolur të Parlamentit, si përgjigje për Rezolutën e miratuar që ta shkarkojë nga pozita.

{gallery}