Prej nesër dy shkolla në Ferizaj kalojnë në mësim “online”

Dhjetëra mësimdhënës kanë rezultuar pozitivë me Covid-19 në shkollën ekonomike “Faik Konica” në Ferizaj dhe në shkollën “Muharrem Shemsedini” në fshatin Bibaj.

Si pasojë e kësaj, këshilli i shkollave në koordinim me drejtorinë Komunale të Arsimit kanë marrë vendim që mësimi të kalojë “online”.

Drejtori Komunal i Arsimit në Ferizaj, Afrim Llabjani, ka thënë për KOHEN se vendimi është marrë me qëllim të mospërhapjes së pandemisë Covid-19.

“Në shkollën Ekonomike e Mesme ‘Faik Konica’ kanë rezultuar së paku gjashtë mësimdhënës pozitivë me Covid-19 dhe dyshohet edhe për mësimdhënës të tjerë. Ndërkaq në shkollën e fshatit Bibaj kanë rezultuar katër mësimdhënëse pozitivë me Covid-19. Prandaj nga nesër mësimi kalon ‘online’ pasi që gjatë ditës së sotme kemi mbajtur takime të përbashkëta me drejtorët e shkollave dhe organeve tjera”, ka konfirmuar Llabjani.