-
Nga:
Dritë Slivova Polisi
- 22 maj 2019 23:41
- Shpërndaje në:
17 këmbësorë kanë vdekur që nga fillimi i këtij viti. Kjo si pasojë e moskujdesit të pjesëmarrësve në trafik.
Këmbësorët thonë se arsye se pse ka kaq shumë raste me fatalitet në trafik, janë shoferët e pakujdesshëm të veturave, raporton KTV.
Me qëllim që të shtohet kujdesi në trafik, Policia e Kosovës ka filluar një fushatë sensibilizuese, veçanërisht për respektimin e të drejtave të këmbësorëve.
Gjatë së mërkurës, vetë pjesëtarët e Policisë së Kosovës u kanë shpërndarë disa broshura pjesëmarrësve në trafik, me anë të së cilave këmbësorët këshillohen që të mos mbajnë kufje në vesh gjatë kalimit të rrugës, si dhe të jenë më të vëmendshëm.
Rexhepi ka thënë se në rast të shkeljeve të rregullave të trafikut, shqiptimi i gjobave do të jetë i pashmangshëm.
