Pas përfundimit të segmentit të fundit në aksin Shkodër-Velipojë, Kryeministri Edi Rama njoftoi sot hapjen e kantierit Velipojë-Shëngjin.
Rama publikoi sot foto nga rruga e përfunduar Shkodër-Velipojë, ku pas shpronësimeve në segmentin e fundit u përmbyllën me shpejtësi punimet.
“Shkodër-Velipojë pas një pritje të gjatë për segmentin e fundit, ku më fund erdhën dokumentet e shpronësimeve nga bashkia e stërlodhur dhe u mbyllën me shpejtësi të gjitha punimet”, tha Rama.
Kryeministri theksoi se “tani koha për të hapur kantierin Velipojë-Shëngjin”.
Rruga Shkodër-Velipojë, me një gjatësi 18.3 km u financua nga qeveria shqiptare dhe punimet u zbatuan nga Fondi Shqiptar i Zhvillimit, si pjesë e Projektit për Rehabilitimin e Segmenteve Rrugore Prioritare me impakt të lartë në zhvillimin dhe promovimin e turizmit.
Çdo vit janë rreth 100 mijë turistë që udhëtojnë drejt Velipojës. Përveç turistëve, rruga u vjen në ndihmë afro 15 mijë banorëve të Dajçit, Bërdicës dhe Velipojës, të cilët kanë mundësi të nxjerrin produktet e tyre në treg më shpejt dhe me kosto më të ulët/ATSH.
-
Shqipëria hap shkollën e fluturimit, fton Kosovën që ta shfrytëzojë për stërvitje
-
Rama: Protestat po ndikojnë në turizëm, rriten anulimet e rezervimeve nga turistët e huaj
-
Rama: Kur Kushner dhe Ivanka erdhën këtu, s’dihej nëse Trump do të shkonte në burg apo në Shtëpinë e Bardhë
-
Rama: Basha preu shiritin e një rruge lokale që është projekt i Komunës
-
Dita 4 e protestave për Zvërnecin – përplasje mes policisë e protestuesve