Përçarës e i pavend është konsideruar takimi i Presidentit të Kosovës, Hashim Thaçi, me të nominuarin për kryeministër nga PAN-i, Ramush Haradinaj.
Dy partitë tjera, LDK-ja dhe Lëvizja Vetëvendosje, kanë thënë se Presidenti nuk ka tentuar t’i takojë ata dhe duke takuar vetëm Haradinajn, po del jashtë rolit të tij kushtetues.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNënkryetari i LDK-së, Lutfi Haziri, në një intervistë për KTV-në, ka kërkuar sqarime nga Presidenti për këtë takim.
Edhe nëse ai ka qenë në kapacitete private, sipas Hazirit, tani do të ishte kohë e papërshtatshme të ndodhte.
Presidenti i Kosovës, ish-kryetar i PDK-së, nuk ka sqaruar arsyen e mosthirrjes së seancës konstituive edhe pas 5 ditësh të certifikimit të rezultatit të zgjedhjeve të 11 qershorit.
Zyra e Thaçit nuk është përgjigjur në pyetjet e KTV-së për arsyet e kësaj vonese.
Sipas Kushtetutës, Presidenti duhet ta thërrasë seancën brenda 30 ditëve që nga shpallja e rezultatit zyrtar të zgjedhjeve.
Paraardhësja e tij, Atifete Jahjaga, caktimin e seancës e kishte bërë vetëm tri ditë pas certifikimit të zgjedhjeve.