Për 3 ulëse në Gjykatën Kushtetuese, 6 kandidatë pritet të votohen këtë javë në Kuvendin e Kosovës, raporton KTV.
Më 22 qershor, Komisioni i ka rekomanduar Kuvendit emrat që janë duke u risjellë në votim, pasi asnjëri nga ta nuk kishte marrë votat e mjaftueshme më 19 maj. Kushtetuesja, që nga 15 qershori mbeti pa kuorum dhe rrjedhimisht nuk do të mund të nxjerrë asnjë vendim.
Në Kuvendin e Kosovës, më 18 maj, ishin votuar dy gjyqtarë nga radhët e pakicave, Radomir Llaban e Bajram Latifi, por ata ende nuk janë dekretuar nga presidenti Hashim Thaçi.
Ambasadorë të vendeve të ndryshme, si edhe zyra e BE-së kanë bërë thirrje që kandidatët e zgjedhur të jenë apolitikë e të ndershëm.