Një delegacion i Lidhjes së Pensionistëve të Kosovës është pritur sot nga kryetari i Kuvendit të Kosovës, Kadri Veseli, të cilit e ka shprehur falënderimet për vendimin e Qeverisë për rritjen e pensioneve. Delegacioni, të cilit i printe Shaban Kajtazi, kryetar, po ashtu falënderoi edhe kryeparlamentarin për angazhimin dhe që kishte mbajtur premtimin kundruall pensionistëve.
Kreu i Kuvendit tha se institucionet e Kosovës e kanë për obligim të kujdesen për të moshuarit, pasi, sipas tij, falë punës dhe sakrificave të tyre Kosova sot po konsolidohet dhe forcohet si shtet i pavarur dhe sovran.
Siç thuhet në njoftimin për media, kryeparlamentari Veseli tha se përveç rritjes së pensioneve, do të gjejnë mënyrat më të mira që në të ardhmen e afërt të krijohen lehtësira në institucionet shëndetësore për pensionistët, përfshirë trajtimin e tyre dhe furnizimin me barna.
-
Hargreaves: Çështjet me të cilat përballet Kosova dhe kontinenti s’presin, partitë të bashkohen
-
Kurti: BE-ja duhet të punojë për të siguruar statusin e kandidatit për Kosovën
-
Kurti: Mbështetja për ne vetëm sa do të rritet
-
Të premten seanca e Kuvendit
-
Osmani: Kosova vazhdon përkushtimin për rrugën drejt BE-së