Në Komisionin hetimor për energji të mërkurën është komentuar edhe vendimi i organeve të drejtësisë që e kanë liruar nga akuza shefen e Grupit Parlamentar të Lëvizjes Vetëvendosje, Mimoza Kusari-Lila, dhe të tjerët lidhur me rastin “Hidrocentralet”.
Gjatë intervistimit të ish-drejtorit menaxhues të KEK-ut, deputeti i LDK-së, Armend Zemaj dhe deputeti i PDK-së, Rashit Qalaj, me ironi theksuan se i gëzon fakti që gjykatat janë çkapur nga pushteti.
“Kemi një vendim të gjykatës që liron nga akuza shefen e GP të Vetëvendosjes dhe të tjerët. Kështu që më gëzon fakti që gjykatat janë çkapur nga pushteti”, kanë thënë deputetët opozitarë, raporton KosovaPress.
Gjykata Themelore e Prishtinës dje i liroi nga akuza katër ministra të ish-Qeverisë Thaçi 2, Mimoza Kusari Lilën, Nenad Rashiqin, Besim Beqajn, Dardan Gashin si dhe Fllanza Hoxhën e Arben Gjukën, të cilët akuzoheshin nga Prokuroria Speciale për korrupsion në rastin e njohur si “Afera e hidrocentraleve”.
Kusari-Lila në një intervistë në “Interaktiv” mbrëmë theksoi se ky rast ka qenë një barrë shtatëvjeçare për të dhe se tani ndihet e liruar.
-
Apeli vërteton lirimin e ish-ministrave për “aferën e hidrocentraleve”
-
Kusari-Lila për lirimin nga akuza për rastin e “Hidrocentraleve”: Ka qenë barrë 7-vjeçare
-
“Afera e hidrocentraleve”, lirohen nga akuza ish-ministrat e Qeverisë Thaçi 2
-
Abazi akuzon VV-në se i bëri presion Prokurorisë për t’i liruar nga akuza Kusari-Lilën dhe Rashiqin
-
Drejt “amnistisë” katër ish-ministrat e akuzuar për faljen e katër hidrocentraleve