Pandemia dhe kushtet e rënda ekonomike po shihen si shkaktarë të rritjes së rasteve të dhunës në familje

Situata e pandemisë dhe kushtet e rënda ekonomike po konsiderohen shkaktarët kryesorë për rritjen e numrit të rasteve të dhunës në familje dhe problemeve bashkëshortore në Komunën e Ferizajt.

Qendra për Punë Sociale gjatë muajve të fundit ka trajtuar mbi 30 raste të tilla.

Institucion ka ofruar shërbime psiko-sociale për të gjitha rastet dhe asistencë sigurie në qendrën e strehimit.

Adelina Rexhepi-Braha, psikologe dhe udhëheqëse e Shërbimeve Sociale në QPS të Ferizajt, ka thënë se në krahasim me vitin e kaluar këto raste kanë shënuar rritje.

Selim Marevci, shefi i kabinetit të kryetarit të Komunës, ka thënë se së bashku me OSCE-në, Policinë, Gjykatën dhe institucionet e tjera përkatëse kanë krijuar mekanizëm për mbrojtjen e viktimave të dhunës duke krijuar strehim dhe siguri.

Sipas Marevcit, Komuna në bashkëpunim me Qendrën për Punë Sociale dhe me Qendrën e Strehimores po trajton dhjetëra raste të dhunës në familje, në mesin e tyre edhe disa fëmijë.