Në kuadër të takimeve të shumta që kishte gjatë ditës me korin diplomatik rezident dhe jo-rezident në Kosovë, ministri i Jashtëm, Behgjet Pacolli, takoi edhe ambasadoren e Greqisë në Kosovë, Konstantina Athanassiadou.
Në një atmosferë miqësore të dy bashkëfolësit shprehen përkushtimin dhe zotimin e dyanshëm për thellimin e mëtejmë të marrëdhënieve konstruktive në mes të Kosovës dhe Greqisë në çështjet e interesit të përbashkët në mes dy vendeve.
Në kuadër të këtij takimi dhe diskutimeve dy-palëshe, në mes tjerash, Ambasadorja Athanassiadouka shprehu shqetësimin e palës greke në lidhje me aktivitete të disa grupeve apo individëve të veçantë që shqetësojnë palën greke.
Nga ana e tij, Zëvendëskryeministri Pacolli, shprehu distancim karshi këtyre aktiviteteve private, “të cilat nuk pasqyrojnë politikën e jashtme të Republikës së Kosovës dhe frymën miqësore në mes dy vendeve”.
-
Greqia angazhohet për fuqizimin e marrëdhënieve me Kosovën
-
Pacolli: Greqia partner i rëndësishëm i Kosovës
-
Greqia kërkon nga Kosova përkushtim në forcimin e marrëdhënieve rajonale
-
Kosova së shpejti me zyrë ekonomike dhe përfaqësim në Athinë
-
Kosova e Greqia me forum të përbashkët ekonomik, s’flitet për njohje